Azərbaycanın görkəmli opera və estrada müğənnisi, bəstəkar, SSRİ Xalq artisti, Şöhrət Ordeni laureatı Musiqinin Kralı ləqəbli Müslüm Maqomayevin doğum günüdür. Müslüm Maqomayev nəinki Azərbaycanda, bütün dünyada öz sənəti ilə tanınmış bariton ifaçıdır.
Sənətkar ilk rəsmi uğurunu 1962-ci ildə qazanıb. Maestro Niyazinin tövsiyəsi ilə tələbə və gənclərin Helsinkidə keçirilən VIII Ümumdünya Festivalına göndərilən Müslüm Maqomayev Bakıya medalla qayıdır. Populyar “Oqonyok” jurnalı onun portretini və “Bakılı gənc dünyanı fəth edir” başlıqlı məqalə dərc edir.
Müslüm Maqomayev Azərbaycan Opera və Balet Teatrı tərəfindən İtaliya “La skala” teatrına yollanaraq, təcrübə keçib. O, hələ uşaqlıqdan Mattia Battistini, Enriko Karuzo, Mario del Monako, Tinna Ruffo kimi italyan klassiklərinin qramplastinkaları ilə maraqlanır, onlardan qiyabi olaraq vokal dərsləri alırdı. Dahi ifaçı Çenarro Barro, Enriko Pyatsa kimi canlı korifeylərdən dərs alıb.
Müslüm Maqomayev 25 oktyabr 2008-ci ildə vəfat edib, Bakıda Birinci Fəxri Xiyabanda dəfn olunub.
Görkəmli musiqiçi və dirijor Müslüm Maqomayevin nəvəsidir.
