Ümid Partiyasının sədri İqbal Ağazadə orta məktəbdən məzun olan bütün abituriyentləri təbrik edib. Təbriki izləyicilərə təqdim edirik:
Orta məktəbdən məzun olan bütün övladlarımızı, valideynləri, müəllimləri ürəkdən təbrik edir, müvəffəqiyyətiniz davamlı olsun deyirəm.
Arzu edirəm ki, orta məktəbdən sonra ali məktəbə qəbul olasınız, bilik və bacarığınızla ölkəmiz çiçəklənsin, demokratikləşsin, səsimiz dünyanın hər yerində eşidilsin.
Qoy, sıralarınızdan Nobel mükafatçıları, ədalətli idarəçilər, vicdanlı məmurlar, savadlı həkimlər və müəllimlər, istedadlı sənət adamları, bir sözlə, peşəkarcasına işinə və ixtisasına, xalqına və dövlətinə bağlı vətəndaşlar çıxsın. İnanıram ki, ilk mərhələni uğurla adlayıb tələbə adını qazanacaq, təhsil müddətində də bu uğurları davam etdirəcəksiniz.
Azərbaycanın gələcəyi sizlərdən çox asılıdır. Bu ölkəni gec-tez fəhlə, alim, həkim, müəllim, məmur, nazir, prezident kimi sizlər təhvil alacaqsınız. Elə təhsil almalısınız ki, ölkəmizin problemlərini həll edib, dünyada Azərbaycanımızın imzasını tanıda biləsiniz. Allah sizləri qorusun.
Hamınıza bir daha uğurlar arzulayıram!
Ömrünüz gözəl, canınız sağlam olsun!”
Sayğı və sevgilərlə İqbal Ağazadə
#sonzəng #şagird #tələbə #məzun #iqbalagazade
