Nizami Rayon Məhkəməsində Müsavat Partiyasının fəalı Tofiq Yaqublunun cinayət işi üzrə məhkəmə iclası davam edirilib. Hakim Nəriman Mehdiyevin sədrliyi ilə keçirilən prosesdə dövlət ittihamçısı çıxış edib. Prokuror çıxışında T.Yaqublunun 4 il 6 ay müddətinə (ciddi rejimli) azadlıqdan məhrum edilməsini istəyib. Prokurorun bu istəyi cəmiyyətin bəlli bir hissəsi tərəfindən etirazla qarşılanıb.
Ümid Partiyasının sədri İqbal Ağazadə isə bu məsələyə daha sərt münasibət bildirib: “Tofiq Yaqubluya qarşı məhkəmə-hüquq sistemi bir daha ədalətsizlik və haqsızlıq nümayiş etdirir.
Qaldırılan cinayət işi və keçirilən məhkəmə prosesi məzhəkədən o tərəfə keçmədi.
Bu cür utancverici proseslərin keçirilməsi bir daha nümayiş etdirir ki, iqtidar hüququn aliliyindən çox uzaqdır. Tofiq Yaqublu və digər siyasi məhbuslara azadlıq tələb edirik”.
