Azərbaycan Ümid Partiyası / Azerbaijan Umid Party Rəfail Tağızadəni təbrik etdi
Bu gün Ümid Partiyasının Məşvərət Şurasının sədri, şair, publisist, Azərbaycan Yazıçılar Birliyinin üzvü, “Rəsul Rza” mükafatı laureatı, “Ədəbi Ovqat” dərgisinin təsisçisi, prezident mukafatçısı Rəfail Tağızadənin doğum günüdür.
Rəfail Tağızadə Azərbaycan Milli Ordusunda zabit kimi ön cəbhədə qulluq etməklə bərabər, həm də Milli Ordunun yaradılmasında iştirak edib. Ordu Birləşməsi Komandanlığı tərəfindən “Şah İsmayıl Xətai” və digər fəxri fərmanlarla təltif olunub.
“Qapı”(2004) və “Qarabağ rüzgarları” (2009), “Gecə xəyalları” (2013), “Su üzərində bahar” (2019), “Şəhid qardaşlar”ının müəllifi, “Qəfil görüş” çağdaş polyak şeir antologiyası kitabının həmmüəllifidir. Dünya şöhrətli alim Rafiq Əliyev haqqında “Su kimi sakit və güclü” kitabını tərtib edib.
44 günlük Vətən müharibəsinə həsr edilmiş “Qarabağ-Həsrətdən Zəfərə” kitabının müəllifidir.
Polyak şairlərinin şeirlərini tərcümə edərək, “Şairlər eyni dildə danışırlar” kitabını hazırlayıb.
Şeirləri ingilis, polyak, italyan, alman, fransız, rus, Ukrayna, özbək dillərinə və Anadolu türkcəsinə çevrilib.
Rəfail Tağızadə siyasi fəaliyyətinə Ümid Partiyasında başlayıb, hal-hazırda Ümid Partiyasının Məşvərət Şurasının sədridir.
Ümid Partiyasının sədri İqbal Ağazadə və partiyanın İdarə Heyəti Rəfail bəyi təbrik edir, ona uzun ömür, can sağlığı, şəxsi həyatında, yaradıcılığında və siyasi fəaliyyətində uğurlar arzulayır.
Şərh yaz
